Abarwanyi b’umutwe witwaje intwaro wa Mai Mai Bilozebishambuke bishe umuganga w’Umunyamulenge, Dr Kimararungu Merci, wari uherutse kumenyesha inshuti ze n’umuryango itariki y’ubukwe bwe.
Umuryango Mahoro Peace Association uharanira uburenganzira bw’Abanyamulenge, kuri uyu wa 25 Ukuboza 2022 watangaje ko Dr Kimararungu yiciwe mu gitero Mai Mai yagabye ku bitaro bya Bijombo mu ntara ya Kivu y’Amajyepfo.
Uyu muryango uvuga kandi abarwanyi b’uyu mutwe bakomerekeje abandi Banyamurenge babiri muri iki gitero wemeza ko nta kindi kigambiriye keretse gusiba abo muri ubu bwoko.
Amakuru BWIZA yamenye ni uko Dr Kimararungu yari kuzakora ubukwe n’umukunzi we witwa Gentille tariki ya 11 Werurwe 2023. Inshuti n’imiryango bari baramenyeshejwe ko ubutumire buzakurikiraho.
