Emir Sheikh Nawaf al-Ahmad al-Jaber al-Sabah wa Koweti yapfuye afite imyaka 86 nkuko tubikesha Al jazeera.
“N’akababaro gakomeye n’agahinda, twe – abaturage ba Koweti, ibihugu by’Abarabu n’Abayisilamu, ndetse n’abaturage b’inshuti ku isi – turarira nyakwigendera nyakubahwa emir, Sheikh Nawaf Al Ahmad Al Jaber Al Sabah, witabye Imana. uyu munsi, ”ibi bikaba byavuzwe na Sheikh Mohammed Abdullah al-Sabah, minisitiri w’urukiko rwa emiri, mu itangazo rye ryanyuze kuri televiziyo ya Leta ku wa Gatandatu.
Abayobozi ntacyo batangaje ku mpamvu y’urupfu rwe, ariko batangaza ko hatangiye igihe cy’icyunamo cy’iminsi 40 n’ifungwa iminsi itatu ry’inzego za leta.
Igikomangoma cy’ikamba cya Koweti na murumuna we badahe ababyeyi bombi, Sheikh Meshaal al-Ahmad al-Jaber al-Sabah w’imyaka 83, yahise agirwa emir mushya, nk’uko byatangajwe na Issa Al-Kandari, minisitiri w’intebe wungirije akaba na minsitri ushinzwe imirimo y’inama y’abaminisitiri.
Sheikh Nawaf yarahiye muri Nzeri 2020 nyuma y’urupfu rw’umuvandimwe we, Sheikh Sabah al-Ahmad al-Jaber al-Sabah, wapfiriye muri Amerika afite imyaka 91.
