Umunyamerika Eric Dane, wamamaye cyane nka Dr. Mark “McSteamy” Sloan muri serial ya Grey’s Anatomy, yapfuye ku wa Kane azize indwara ya ALS (Amyotrophic Lateral Sclerosis). Yari afite imyaka 53.
Dane yari yatangaje mu mwaka ushize ko arwaye ALS, indwara ifata uturemangingo tw’imyakura mu bwonko no mu mugongo, igatuma umurwayi agenda atakaza ubushobozi bwo kugenda, kuvuga no guhumeka. Ni indwara idakira, kandi abenshi bayirwara bapfa mu myaka itatu kugeza kuri itanu nyuma yo kuyisangwamo.
Mu itangazo ryasohowe n’abamuhagarariye, bavuze ko “yamaze iminsi ye ya nyuma akikijwe n’inshuti ze za hafi, umugore we ndetse n’abakobwa be babiri, Billie na Georgia.” Bongeyeho ko mu rugendo rwe rwo kurwanya ALS, Dane yabaye umuvugizi ukomeye w’ubushakashatsi no gushaka inkunga yo kurwanya iyo ndwara.
Eric Dane yamenyekanye cyane hagati ya 2000 na 2010 kubera uruhare rwe muri Grey’s Anatomy, imwe mu ma seri za televiziyo amaze igihe kinini akundwa muri Amerika.
Mu 2019, yongeye kwamamara ku rwego mpuzamahanga kubera uruhare rwe nka Cal Jacobs muri serial ya Euphoria, yakinaga ku rubuga rwa HBO.
