Byibuze abantu 100 biciwe mu makimbirane hagati ya leta ebyiri zigize Ethiopia nk’uko byatangajwe n’abayobozi b’ibanze muri iki gice. Iyi mirwano yadutse kuwa Gatanu, yakomereje kuri uyu wa Kabiri ushize hagati ya Leta za Afar na Somali nk’uko byemejwe na Ahmed Humed, Komiseri wungirije wa Polisi yo muri Afar.
Ali Bedel, Umuvugizi wa Leta ya Somali, yatangaje ko abantu 25 bishwe kuwa Gatanu ushize, kandi ko umubare w’abasivili utaramenyekana baguye mu gitero cyo kuri uyu wa Kabiri ushize nk’uko tubikesha VOAAfrique.
Aya makimbirane abera mu gice cyegereye umupaka aje akurikira ayandi amaze amezi hafi atandatu mu majyaruguru ahuje Guverinoma ya Ethiopia n’ishyaka ryahoze ku butegetsi mu Ntara ya Tigray.
Mu 2014 nibwo umupaka utandukanya Leta ya Afar n’iya Somali wongeye gushushanywa na guverinoma nkuru icyo gihe yari iyobowe na TPLF . hari imijyi itatu mito icyo gihe yakuwe muri Somali yoherezwa muri Afar kuva icyo gihe Somali igerageza kuyisubiza.
Byatumye havuka imitwe yitwara gisirikare muri leta zombi bapfa imbibi. Mu ukwakira, umwaka ushize, abantu 27 biciwe mu makimbirane yavutse ku mupaka, buri ruhande rushinja urundi kuba nyirabayazana.
Kurikira ibiganiro n’amavidewo binyura kuri Bwiza TV
