Igisirikare cya Repubulika ya Demokarasi ya Congo, FARDC, cyatangaje ko cyigaruriye ibirindiro by’abarwanyi ba CODECO, cyica 21 muri bo.
7 Sur 7 yanditse ko ibi byabaye mu mperza z’icyumweru gishize nk’uko byemezwa n’igisirikare cya Congo, bibereye mu ntara ya Ituri mu majyaruguru ashyira uburengerazuba bwa RDC.
Aya makuru yemejwe n’ingabo za Congo,Lt. General Yav Avul ushinzwe ibikorwa mu ngabo za RDC, yavuze ko bigaruriye ibirindiro 2 bikomeye by’abarwanyi ba Coopérative pour le Développement du Congo (CODECO), Muri Teritwari ya Djugu iri mu majyaruguru ya Ituri.
Yagize ati: ”Twamaze gufata ibirindiro bibiri by’abarwanyi ba CODECO biherereye ahitwa Ezekere na Ngwala. Mu mirwano yatangiye kuwa 23 Ukwakira 2020, twishe abaryanyi ba CODECO bagera kuri 21.”
Iyi mirwano yashyairanije ingabo za Congo na CODECO yaguyemo abasirikare ba FARDC bagera kuri 2 hakomerekeramo 4.
Ibi bikorwa by’ingabo za Congo byo guhashya imitwe yitwaje intwaro birakomereza mu mujyi wa Bunia cyane cyane mu duce twa Nyalusoli, Fitsama, Njokojo, Mbetsi na Kindia bivugwa ko higanje bene iyi mitwe.
