Minisiteri y’Ubuzima mu Rwanda kuri uyu wa Gatandatu, yatangaje ko mu gihugu hose habonetse abarwayi bashya 32 banduye COVID-19, barimo 30 babonetse muri gereza ya Muhanga.
Ni nyuma y’uko ku wa Gatanu iyi gereza yari yabonetsemo abagororwa 36 banduye icyorezo cya Coronavirus.
Undi umwe mu babonetse uyu munsi yabonetse mu mujyi wa Kigali, mu gihe undi yabonetse mu karere ka Nyanza.
Nta Munyarwanda wishwe na COVID-19 kuri uyu wa 14 Ugushyingo.
Muri rusange abamaze kwandura icyorezo cya Covid-19 mu Rwanda bamaze kuba 5,394; barimo 4,994 bamaze kugikira. Umuntu umwe ni we wakize uyu munsi.
Mu gihugu abamaze guhitanwa na Covid-19 ni 42 bangana na 1% ry’abanduye kiriya cyorezo mu gihugu.
