Ikipe ya Gicumbi FC yageze ku ntsinzi ikomeye nyuma yo gutsinda La Jeunesse ibitego 2-0, bituma izamuka mu cyiciro cya mbere cya shampiyona y’u Rwanda, Rwanda Premier League.
Uyu mukino wabaye kuri uyu wa Gatatu wari uwa gatanu mu mikino ya Playoffs y’amakipe ane ahatanira imyanya ibiri yo kuzamuka mu cyiciro cya mbere. Gutsinda kw’iyi kipe kwatumye igira amanota 9, bikayiha amahirwe yo gukina mu cyiciro cya mbere, kabone n’iyo yaba itakaje umukino usigaye.
AS Muhanga yatsinze Etoile de l’Est igitego 1-0, bituma nayo ishyirwa mu ba mbere bashobora kuzamuka. Ikipe imwe izazamukana na Gicumbi FC izamenyekana hagati ya AS Muhanga, La Jeunesse, na Etoile de l’Est.
Ku rutonde rw’agateganyo:
Gicumbi FC: amanota 9
AS Muhanga: amanota 7
La Jeunesse & Etoile de l’Est: amanota 5
Gicumbi FC yishimiwe cyane n’abaturage bo mu karere ka Gicumbi kubera iyi ntsinzi itumye basubira mu cyiciro cya mbere nyuma y’igihe batakigaragaramo.
