Mamadi Doumbouya wari uyoboye Guinea mu nzibacyuho nyuma yo guhirika ubutegetsi, yatsinze amatora ya perezida ku majwi 86% nk’uko ibyavuye mu matora by’agateganyo byashyizwe ahagaragara na komisiyo y’amatora bivuga.
Bisobanuye ko igihugu kigiye kuyoborwa mu butegetsi bwa gisivile butanzwe mu nzira y’amatora nyuma y’uko mu 2021, Mamadi Doumbouya ahiritse ubutegetsi bwa Perezida Alpha Condé wari muri uwo mwanya kuva mu 2010.
Mu ijoro ryo kuri uyu wa Kabiri, Umukuru w’ibiro bishinzwe amatora muri Guinea watangaje ibyayavuyemo, yavuze ko abaturage b’iki gihugu biyandikishije gutora bitabiriye ku kigero cya 80%.
Nyuma yo gufata ubutegetsi mu 2021, Gen. Doumbouya yasezeranyije Abanya-Guinée ko azaha abasivile ubutegetsi “ku neza” kandi ko nta musirikare uziyamamaza mu matora. Bisobanuye ko ubu atakiri umusirikare nubwo ukivamo kitakuvamo.
