Minisiteri y’Ubuzima mu Rwanda kuri uyu wa 30 Kamena 2020 yatangaje ko hagaragaye abantu 24 banduye Covid-19 mu bipimo 3694 byafashwe.
Muri Kigali habonetse 7, muri Rusizi haboneka 13, muri Ngoma habonetse 2, Nyagatare ni 1 na Rutsiro ni 1.
Abamaze gukira iki cyorezo bagumye kuri 447 barimo 4 b’uyu munsi.
Muri rusange abamaze kugaragaraho iki cyorezo muri iki gihugu ni 1025, abakirwaye ni 576. Abapfuye ni babiri barimo umusaza w’imyaka 65 y’amavuko n’undi w’imyaka 24 y’amavuko.
