Nubwo bwagabanyije umusaruro uva mu bucukuzi bw’amabuye y’agaciro, u Bushinwa buracyafite uruhare runini mu gutanga tungsten ikenerwa ku Isi, ibarirwa hagati ya 75 na 80%, nk’uko amakuru atandukanye abitangaza. Ibiciro byayo rero biravugwa ko byazamutse mu mezi ashize nyuma yo kugabanya umusaruro woherezwaga mu mahanga. Nk’uko bitangazwa n’urubuga Project Blue, ibiciro bya tungsten byikubye inshuro zirenga ebyiri kuva mu 2020 kandi bishobora gukomeza kuzamuka muri uyu mwaka. Kugeza ubu muri 2026, ikilo cya tungsten kiri ku madolari 231.75 ya Amerika.
Ikenerwa ry’aya mabuye y’agaciro ku Isi rikomeje kwiyongera. Ibi binagaragara cyane mu Bushinwa, aho gutumiza ubu butare mu mahanga byiyongereye ku buryo bugaragara mu 2025, nk’uko ikigo cy’ubushakashatsi ku mabuye y’agaciro cyo muri Amerika (USGS) kibitangaza. Tungsten irakenewe cyane kuko ari yo yonyine ishobora kwihanganira ubushyuhe bwa 3,422 ° C idashonze. Ibimenyetso bimwe byerekana ko kuyikenera bizakomeza kwiyongera mu myaka iri imbere mu nganda nyinshi, harimo n’iza gsirikare.
Umusaruro muke hanze y’u Bushinwa
Hanze y’u Bushinwa, kubona tungsten ntabwo byoroshye. Dukurikije imibare ya USGS, umusaruro hanze y’u Bushinwa wiganje muri Vietnam no mu Burusiya. Ibindi bihugu biri hafi mu kugira tungsten nyinshi birimo u Rwanda, rwatangiye kuyohereza muri Amerika, kongeraho Bolivia, Australie, ndetse, na Kazakhstan kuva mu 2025, aho tungsten icukurwa mu birombe bya Boguty a débuté.
Umusaruro uva i Burayi wo ni muto cyane kandi wiganje muri Espagne na Portugal. Ibi bihugu byose hamwe bitanga toni 20.000, ugereranije na toni 67.000 ziva mu Bushinwa. Ibi bihugu rero bivugwa ko bitazashobora kuziba icyuho kiri hagati y’umusaruro uboneka n’ukenewe muri 2026, nk’uko Project Blue ivuga.
Kugeza ubu, u Rwanda ni urwa gatandatu ku Isi ndetse n’urwa mbere muri Afurika mu kugira tungsten nyinshi aho rutanga toni 1200 ku mwaka.
Ibihugu 10 bya mbere bitanga tungsten nyinshi
