Kuri uyu wa Kane, itariki 15 Ukuboza, Urukiko mpuzamahanga mpanabyaha rwashimangiye igihano cy’igifungo cyari cyahawe Dominic Ongwen umwe mu bayobozi b’inyeshymba za LRA z’Abagande kubera gufata ku ngufu, kwica no gushimuta abana .
Dominic Ongwen yahamijwe ibyaha 61 mu myaka ibiri ishize birimo ubwicanyi, gufata ku ngufu, gushyingira ku gahato no kwinjiza abana mu nyeshyamba maze akatirwa igifungo cy’imyaka 25.
Abamwunganira banze iki gihano kandi batanga impamvu 90 zo kujurira, bagaragaza amakosa y’amategeko, ay’imiburanishirize n’ayakozwe mu kumuamya ibyaha no kumukatira nk’uko tubikesha Reuters.
Umucamanza wayoboye urubanza, Luz del Carmen Ibanez Carranza, yagize ati: “Urugereko rw’ubujurire rwanze impamvu zose z’ubwunganizi kandi rwemeza umwanzuro wmuhamije ibyaha.”
Abashinjacyaha bagaragaje ko Ongwen yayoboye ingoma y’iterabwoba ya LRA, ku giti cye ategeka ubwicanyi bw’abasivili barenga 130 mu nkambi z’impunzi za Lukodi, Pajule, Odek na Abok hagati ya 2002 na 2005.
