Kuri uyu wa Kabiri, Ukraine yateye Moscou mu gitero cyagaragaye ko ari cyo gitero kinini cy’indege zitagira abadereva z’intambara ku murwa mukuru w’u Burusiya, gihitana byibuze umuntu umwe, gitera inkongi y’umuriro ndetse no guhagarika ubwikorezi bwo mu kirere na gari ya moshi mu karere.
Guverineri w’akarere ka Moscou, Andrei Vorobyov, mu nyandiko yanditse kuri porogaramu yo kohererezanya ubutumwa ya Telegram, yagize ati: “Uyu munsi mu ma saa kumi z’igitondo igitero kinini cy’indege zitagira abadereva cyagabwe kuri Moscou no mu karere ka Moscou.”
Yongeyeho ati: “Kuri ubu, bizwi ko umuntu umwe yapfuye abandi batatu barakomereka.”
Umuyobozi w’umujyi wa Moscou, Sergei Sobyanin, yatangaje ko byibuze drones 69 zasenywe zari zegereye umujyi mu byiciro byinshi nkuko bitangazwa na Reuters.
