Igisirikare cya Iran (Iran’s Islamic Revolution Guards Corps , ISRGC) cyatangaje ko cyahanuye indege ya Drone ya Leta Zunze Ubumwe za Amerika yari yinjiye mu kirere cyayo.
Ibitangazamakuru bya leta muri Iran byanditse ko igisirikare cya Iran cyarashe iyo drone mu ntara ya Hormozgan iri mu majyepfo y’icyi gihugu. Iyi Drone yarashwe ikaba iri mu bwoko bwa RQ-4 Global Hawk.
Captain Bill Urban, umwe mu bavugizi bayo yahakanye amakuru avuga ko hari indege ya Amerika yinjiye mu mu kirere cya Iran. Ibi bibaye nyuma y’uko igisirikare cya Amerika ( Pentagon ) gitangaje ko kigiye kohereza abasirikare 1000 muri Iran nyuma y’amakimbirane yabaye hagati y’ibi bihugu. Amerika ishinja Iran ko yarashe ubwato bwayo bwari butwaye peteroli ikoresheje ibisasu bya mine mu kirwa cya Oman.
Ibintu byaje kujya irudubi ubwo Iran yatangazaga ko igiye kongera gukora ibitwaro bya kirimbuzi ikarenga ku masezerano iki gihugu cyari cyasinye muri 2015 avuga ko kigiye guhagarika gukora ubutare bwa Uranium . Gusa Iran yakomeje kongera ubwo butare mu rwego rwo kwihorera kuri Amerika .
Nyuma y’uko Iran yisubiyeho ku masezerano yari yasinye mu mwaka ushize, Amerika yayifatiye ibihano bikomeye by’ubukungu bituma iki gihugu gihura n’ihungabana ry’ubukungu ridasanzwe.
