Umuntu umwe yapfuye abandi 11 barakomereka ku bibuga by’indege i Dubai na Abu Dhabi, ubwo Iran yagabaga ibitero byo kwihorera ku bitero bya Amerika na Israel.
Abayobozi muri Abu Dhabi bemeje ko indege itagira abadereva yateye Ikibuga cy’Indege Mpuzamahanga cya Zayed (AUH), ikaraswa “ibisigazwa”, bihitana umuntu umwe abandi barindwi barakomereka nk’uko bitangazwa na BBC.
Ikibuga cy’Indege Mpuzamahanga cya Dubai (DXB), cya mbere gikoreshwa n’abantu benshi ku Isi mu gutwara abagenzi, cyangiritse mu “gitero” cyakomerekeyemo abakozi bane, nk’uko abayobozi babitangaza.
Ingendo ibihumbi n’ibihumbi zijya cyangwa ziva muri aka karere zahagaritswe, muri rimwe mu ihungabana rikomeye ry’ingendo z’indege ku Isi nyuma y’icyorezo cya Covid-19.
