Irushanwa rya Miss Burundi 2020 ryamaze guhagarikwa nyuma y’ibiganiro byahuzaga Minisitiri w’ubucuruzi,inganda n’ubukerarugendo w’u Burundi, Jean Marie Niyonkindi n’urubyiruko rwari rwarashyiriweho gutegura iri rushanwa.
Minisitiri w’ubucuruzi,inganda n’ubukerarugendo Jean Marie Niyonkindi yamaze gutangaza ko irushanwa rya Miss Burundi 2020 ryahagaritswe ndetse ritakibaye uyu mwaka ku mpamvu zitatangajwe.
Minisitiri Niyokindi yabwiye urubyiruko rwateguraga iri rushanwa ko rwambuwe uruhusha rwo gutunganya iki gikorwa abasaba ko bategura neza iryo mu mwaka wa 2021.
Kuri ubu byari byitezwe ko nyampinga w’u Burundi yari kumenyekana muri uku kwezi kwa Werurwe mu gihe kandi byari byarajemo agatotsi mu Kuboza kwa 2019.
Iri rushanwa ryakunze kurangwa n’inkomyi kuko u Burundi bwaherukaga gutora nyampinga mu mwaka wa 2017.
