Sindika Dokolo, umugabo w’umuherwekazi wa mbere muri Afurika, Maria Isabella dos Santos yaguye mu mpanuka y’imodoka yabereye i Dubai kuri uyu wa Kane tariki ya 29 Ukwakira 2020.
Ikinyamakuru Cameroun Today cyanditse ko Sindika Dokolo yari yaragiye muri Leta zunze ubumwe z’abarabu mu mpera z’umwaka ushize. Ni nyuma gato yuko yari amaze iminsi mike yitaba urukiko rw’ikirenga rwa Angola rwamushinjaga kugira uruhare mu nyerezwa ry’umutungo wa Leta bifitanye isano n’umugore we Isabella dos Santos.
Sindika Dokolo ni umunyabugeni akaba n’umucuruzi ukomoka muri Repubulika iharanira Demokarasi ya Congo. Sindika Dokolo yashakanye na Maria Isabella dos Santos imfura w’uwahoze ayobora Angola, Jose Edourdo dos Satos mu mwaka 2002.
Dokolo w’imyaka 48 y’amavuko na Isabella w’imyaka 47 bafitenya abana 3.
Kugeza ubu Isabella dos Santos abarwa nk’umugore ukize kurusha abandi muri Afurika, aho ikinyamakuru Forbes kibara ko atunze arenga miliyari 2 z’amadorai ya Amerika.
