Igisirikare cya Israel kuri uyu wa Kane cyivuganye Jehad Mhsein wari umwe mu bayobozi bakuru b’umutwe wa Hamas n’umuryango we, nyuma yo kugaba igitero ku rugo rwe.
Uyu mugabo yiciwe mu gace ka Sheikh Radwan gaherereye mu mujyi wa Gaza, nk’uko Ibiro Ntaramakuru byegamiye ku mutwe wa Hamas byabitangaje.
Jehad Mhsein yiyongereye ku bandi bayobozi bakuru batandatu b’umutwe wa Hamas Israel yatangaje ko imaze kwivugana kuva ku wa Gatandatu w’icyumweru gishize.
