Izamuka ry’ibiciro by’ingendo ridasanzwe mu Ntara na Kigali nyuma y’imyaka ibiri

Ubusanzwe, ibiciro by’ingendo bigenwa n’Urwego rw’Igihugu Ngenzuramikorere, RURA, ni iby’imodoka zitwara abagenzi mu buryo bwa rusange. Humvikana izamuka ry’ibiciro iyo habayeho izamuka ry’ibiciro by’ibikomoka kuri peteroli gusa nta mpinduka nini zabagaho muri icyo gihe.

Ntibisanzwe! Ni koko kuko icyorezo cya Covid-19 cyazanye ingaruka nyinshi ku buzima bw’abatuye Isi, zigera ku Banyarwanda n’abarutuye. Ingendo zarasubitswe, zirasubukurwa hagati mu Ntara na Kigali, ariko hagabanywa umubare w’abagendera mu modoka, ibiciro by’ingendo birazamurwa.

Inama y’Abaminisitiri idasanzwe yateranye kuri uyu wa 2 Kamena 2020 yemeje isubukurwa ry’ingendo z’imodoka rusange hagati y’Intara zitandukanye n’Umujyi wa Kigali. Na moto zemerewe gutwara abagenzi ariko birabujijwe kuva cyangwa kujya mu turere twa Rusizi na Rubavu kuko twamaze gushyirwa mu kato. Ibi bisobanuye ko ibiciro bishya yashyizeho ku wa 31 Gicurasi 2020 bitangira kubahirizwa.

Mu 2018, umuhanda wa Kigali-Huye-Kamembe [n’ubwo ubu kugera i Kamembe bibujijwe] wiyongereyeho amafaranga 2600 rwf y’igiciro kuko yavuye ku 5780 rwf agera ku 8380 rwf nk’uko bigaragara ku mbonerahamwe y’ibiciro bishya by’ingendo.

Ubwo muri Mata 2018 hashyirwagaho ibiciro bishya, impinduka nini yari yarabaye kuri uyu muhanda n’iy’inyongera ya 550 rwf, aho igiciro cyavuye ku 5230 rwf kigera ku 5780 rwf. Iri zamuka ryageze no ku yindi mihanda hafi ya yose mu gihugu.

Ibiciro bishya by’uyu wa 31 Gicurasi 2020

Imwe mu mihanda iva i Kigali ijya mu ntara 2018-2020)