Umuvugizi w’Ibiro by’Umukuru w’Igihugu cya Kenya, Kanze Dena kuri uyu wa 15 Kamena 2020 yatangaje ko abakozi bane bakorana bagaragayeho icyorezo cya Covid-19.
Kanze Dena yavuze ko kugaragara kw’aba bagenzi be bakorana kwaturutse mu bipimo byafashwe tariki ya 11 Kamena mu ipima ryakozwe ku bakozi bose ba Perezidansi (mass testing) ryakozwe icyo gihe, ryabimburiwe na Perezida Uhuru Kenyatta n’umuryango we.
Gusa Kanze mu nkuru ya Citizen TV, yasobanuye ko Perezida Uhuru Kenyatta n’umuryango we batagaragayeho iki cyorezo.
Aba banduye Covid-19 bari kwitabwaho n’abaganga mu bitaro biherereye mu gace ka Kiambu. Abahuye na bo baracyashakishwa kugira ngo bashyirwe mu kato.
