Muri Kenya, byibuze abantu icumi bakomeretse naho 38 batawe muri yombi ku Cyumweru, itariki ya 9 Werurwe, nyuma y’imyigaragambyo yabereye mu Karere ka Kasarani, mu nkengero z’Umujyi wa Nairobi, yahagaritswe hakoreshejwe ingufu. Nyuma y’ubujurire ku mbuga nkoranyambaga, urubyiruko magana rwagerageje kwinjira mu Itorero Jesus Winner Ministry kugira ngo bigaragambye bamagana impano nini ryahawe na Perezida William Ruto.
Amafaranga miliyoni 20 y’amashilingi ya Kenya, cyangwa arenga 140.000 by’ama Euro: iyi niyo mpano yatanzwe na William Ruto ayiha Itorero ryitwa Jesus Winner Ministry, kugira ngo ryagure imirimo yaryo. Kuri uyu wa Mbere, itariki 10 Werurwe, Patrick Kamau, umwe mu bitabiriye imyigaragambyo ejobundi yagize ati: “Umubare munini cyane, mu gihe amashuri n’ibitaro byacu bidakora.”
Ku Cyumweru, guhangana n’abapolisi byamaze amasaha menshi i Kasarani, mu nkengero za Nairobi. Kuva mu museke, itorero rya Jesus Winner Ministry ryari rigoswe n’abapolisi. Misa yari yigijwe imbere isaha imwe kandi ntiyamara igihe yamaraga. Ibyuka biryana mu maso byarakoreshejwe kugeza hagati nyuma ya saa sita.
