Umuyobozi Mukuru w’Igipolisi cya Kenya, IGP Hillary Mutyambai kuri uyu wa 15 Mata 2020 yatangaje ko umuntu uzafatirwa mu ruhame atambaye agapfukamunwa muri ibi bihe byo kwirinda icyorezo cya Covid-19, azakatirwa ibihano birimo igifungo cy’amezi atandatu.
Iri ni itegeko ryemejwe n’Umushinjacyaha Mukuru tariki ya 6 Mata 2020. Rivuga ko uza umuntu wese uzafatwa atambaye agapfukamunwa azacibwa ihazabu y’amashilingi y’iki gihugu 20,000 (175,917 RWF) cyangwa akatirwe amezi atandatu, nibiba ngombwa ahabwe ibi bihano byombi.
IGP Mutyambai mu nkuru ya The Citizen TV, kwambara agapfukamunwa si ubushake, ahubwo ni itegeko. Yavuze kandi ati: “Nasabye abofisiye ba polisi gukomeza iri tegeko.”
Mu Karere k’Afurika y’Iburasirazuba, Kenya ni cyo gihugu gifite umubare munini w’abanduye Covid-19, ubu bakaba bamaze kugera 225 bavuye kuri 216. Sudani y’Epfo ni cyo gihugu kimaze kugaragaramo abarwayi bake, ubu bageze kuri bane.
