Dunia Kilanga Nyembo Christian, umunyamabanga akaba n’umukangurambaga w’ishyaka PPRD, yatawe muri yombi mu ijoro ryo ku wa Kabiri, itariki ya 30 Ukuboza, ahagana mu saa 00h30 za mu gitondo, uvuye mu munsi wo kuwa Mbere, afashwe n’abantu bitwaje imbunda batamenyekanye bamusanze iwe mu karere ka Lemba.
Nyuma yajyanywe ahantu hatazwi, nk’uko amakuru ava mu muryango we agera kuri ACTUALITE.CD avuga.
Ubuhamya bwakusanyirijwe iwe, bwatanzwe n’umugore we, abana, ndetse n’abandi bagize umuryango, bigaragara ko bahungabanye, bugaragaza ko uyu yafashwe mu buryo bunyuranyije n’amategeko.
Ku gicamunsi cyo kuri uyu wa Kabiri, abarwanashyaka b’abasangirangendo ba Joseph Kabila, bateraniye kwa Kilanga bamagana icyo bita ishimutwa ry’uyu muyobozi wa PPRD basaba ko yarekurwa bidatinze.
Itabwa muri yombi rya Dunia rije rikurikira iry’Umunyamabanga uhoraho w’ishyaka PPRD, Emmanuel Ramazani Shadary, wigeze kuba kandida perezida mu 2018, wafashwe mu minsi ishize agakurikizwa umuhungu we.
