Minisitiri w’Ubutabera wa Congo, Constant Mutamba, yatangaje ko kuri uyu wa Kane, itariki ya 13 Werurwe 2025, imbere y’Urukiko Rukuru rwa Gisirikare, hatangira urubanza rw’abasirikare bakuru ba FARDC, Ingabo z’igihugu cya Repubulika ya Demokarasi ya Congo.
Abo basirikare bo ku rwego rwa ba ofisiye bakuru barashinjwa “kuba barataye ibirindiro byabo bahanganye n’umwanzi, bagasiga intwaro, amasasu, ibikoresho bya gisirikare ndetse n’abasirikare bakomeretse, cyane cyane mu mijyi ya Goma na Bukavu.”
Uru rubanza biteganyijwe ruza gutambuka kuri Radio na Televiziyo bya Repubulika ya Demokarasi ya Congo (RTNC), ku isaha ya saa yine i Kinshasa.
