Uyu musi ni kuwa Gatatu tariki 15, Nyakanga 2020. Ni umusi 198 mu misi isanzwe igize umwaka. Uyu mwaka usigaje imisi 169 ngo ugere ku musozo.
Kuri uyu musi mu mu Ntambara z’amadini( Crusade), Abayisilamu bigaruriye umurwa mukuru Yerusalemu. Iyi yerusalemu muri iki gihe yafatwaga nk’umurwa w’ubukilisitu mwisi. Abarwanyi bo mu dini ya Isilamu bishe abagore n’abana muri Yezalemu, abarwanyi babanyaburayi bafashwe bamanikwa ku biti kugeza bapfuye
Incamake ku ntambara z’amadini zabayehagati (1096-1291)
Crusades ni intambara zabaye hagati y’abakirisitu n’abayisilamu. Ibi byatangijwe n’uruhande rw’abayilamu bashakaga kwigarurira imigi ifatwa nk’imigi mitagatifu yo mu burasirazuba bw’isi . Iyi migi yari yiganje mu majyaruguru y’uburengerazuba bwa Asiya , kuri ubu ni mubihugu bya Israel , Syria, Jordan. Izi ntambara zakorwagamo ibikorwa by’ubunyamaswa n’ubwo buri ruhande rwarwanaga ruvuga ko utsinze aba hesheje izina ry’Imana Icyubahiro.
Mu mpera y’ikinyejana cya 10, Abanyaburayi bari bafite ubwami bukomeye ku isonga hari ubwami bw’Abaromani n’ubwami Byzatium.Mu mwaka 1081 Umwami w’abami w’abaromani Alexius Comnenus yigaruriye ubwami bari bahanganye bwa Byzantium ,ni muntambara yamaze igihe kibarirwa hagati y’imyaka 10 na 15.
Mu mwaka 1095 Papa Urban II yasabye ko mu burayi haremwa umutwe w’ingabo ushinzwe kurwanya ibitero by’abo yitaga abapagani[Islam].Ni nyuma y’uko indwanyi z’abayisilamu zari zirimo zisatira uburayi. Mu kwezi ku Ugushyingo 1095, Papa Urban II yatumije inama nkuru y’Uburayi.
Inama nkuru mu burayi yahuzaga abami b’abami bo mu Burayi n’inteko nkuru ya Kiliziya Gatolika. Mu myanzuro yavuye muri iyi nama , harimo inshingwa ry’ingabo kabuhariye zashyiriweho kurinda imigi yo mu burasirazuba bw’isi yari ikomeje kwigarurirwa n’Abayisilamu. Izi ngabo ziswe Knights Templars.
Ingabo za Knight Templar zahawe Nicholas nk’umugaba wazo. Mu nshingano zahise zihabwa harimo , kurinda imigi yo mu burasirazuba no kwica abayisilamu bagiye mu ngendo nyobokamana mu burasirazuba bw’isi.
Mu myambaro ishushanyijeho umusaraba utukura n’ingofero zitukura , ingabo za Knight Templars zafashe amafarasi ziva mu majyaruguru y’isi zerekeza mu burazirazub bwayo.
Zimwe mu ntambara zikomeye zabaye muri Crusade.
Hari intambara yiswe Crusade ya mbere, Iyi ntambara yayobowe n’abagabo bane bari bakomeye mu burayi bw’icyo gihe nka Raymond ,Godfrey, Hugh na Bohemond .
Muri Kamena 1097 nyuma y’imyaka itatu urugamba rutangiye, Abarwanyi babakilisitu begukanye insinzi mu murwa mukuru w’ubuyisilamu mu majyaruguru ya Asiya, Turkey. Iyi yari insinzi ya mbere y’Abanyaburayi yabahaye icyizere ko bishoka ko batsinda izi ntambra.
Ifatwa rya Yelusalemu
Nyuma y’uru rugamba rwa mbere, ingabo z’abanyaburayi zakomeje ibitero byazo kugeza zifashe umugi ukomeye wo muri Siriya Antioch , Hari muri kamena 1098.
Ingabo z’abanyaburayi zakomeje urugendo zerekeza muri Yerusalemu. Yerusalemu yari yarigaruriwe n’Abayisiramu baba Sunni. Aha ariko ntibyari byoroshye kuhigarurira kuko Yerusalemu yari umugi munini kandi wubatse ku buryo bubereye intambara. Amazu yo mu mugi wa Yerusaremu yari maremare kandi ku bisenge byayo afiteho inzira abarwany banyuraho mu gihe cy’Intambara.
Uru rugamba rwasabye Abanyaburayi kubanza kwiga uko barwanya aba barwanyi bo mu burasirazuba bw’isi. Uko batinda kubona uburyo barwanya Abisilamu, abakilisitu bari muri uyu mugi bagengaga bakusanyirizwa hamwe n’indwanyi z’aba Sunni. Kugeza kuwa 15 Nyakanga 1099.Iki gihe umuyobozi w’ingaboz’Abasuni yatanze itegeko abantu ibihumbi 7,500 batari abarwanyi biciwe imbere y’imbaga. Umubare munini wari wiganjemo abana n’abagore.
Izi ntambara zaje gukomera , abantu benshi bagendaga bafata uruhande barwanira kugeza no mu majyaruguru ya Afurika.
Mu ntambara zamaze imyaka igera kuri 300, abantu bagera kuri miliyoni 5 bahasize ubuzima. Iki gihe kandi umuyobozi wa Kiliziya gatolika yagize imbaraga n’ububasha budasanzwe. Ubu bubashabwa Papa bwongeye kugabanuka ahagana mu kinyejana cya 16.
Icyakora amateka ntagaragaza neza uwegukanye insinzi mu ntambara za Crusades, Abenshi bavuga ko Abayisilamu batsinze abanyaburayi , abandi nabo bakemeza ko Abanyaburayi bakuye ubwamamare n’ubukungu bw’ikirenga.
Abemera muri iki gihe haba ku ruhande rw’abayisilamu n’abakilisitu basanga ubugome bwabaga mu ntambara z’iyamamaza myemerere, bwari bukabije kandi mu byukuru ntaho byari bihuriye n’Imana y’ukuri.
