Umukobwa ukiri muto ukomoka muri California muri Leta Zunze Ubumwe za Amerika ni gihamya nzima ko ushobora gukora ikintu cyose wiyemeje .
Alena Analeigh Wicker yakoze amateka kuko yabaye mukobwa w’Umwirabura w’Umunyamerika wa mbere ukiri muto wemerewe kwiga muri kaminuza. Ndetse akaba aherutse mu Rwanda aho yaherewe igihembo cya GUBA cya Young Achiever Award.
Ku myaka 13 gusa, Alena Analeigh Wicker yamaze kwakirwa mu ishuri rikuru ry’ubuvuzi nyuma yo kurangiza amashuri yisumbuye umwaka ushize.
Mu kiganiro Good Morning America amaze kwemerwa, Wicker yagize ati: “Nyuma yo kwemerwa, cyari igihe gitangaje cyane.” “Gusa kumenya ko nageze ku ntego yo kwinjira mu ishuri ry’ubuvuzi muri iyi myaka byarantangaje.”
Arateganya kujya mu ishuri ry’ubuvuzi rya Heersink muri Kaminuza ya Alabama i Birmingham. Intego ye, ni ugufasha abaturage gusa kandi yizera kuzaba immunologue.
Kuri ubu yiyandikishije muri gahunda ebyiri za kaminuza muri kaminuza ya Leta ya Arizona na kaminuza ya Oakwood kandi yizera ko azatangira ishuri ry’ubuvuzi mu 2024.
Wicker, wahawe kandi igihembo cy’umukuru w’igihugu cy’abakorerabushake, yavuze ko buri gihe aba afite ishyaka ryo gutanga kandi avuga ko umuryango we ufite uruhare runini.
Ati: “Nanjye nari mfite ubwo buryo bwo gushyigikirwa.” “Bari bahari igihe nabakeneraga. Bampaye iyo nkunga yo kuvuga ngo:” Ntuzareke inzozi zawe. ”
Nk’uko ABC News ibitangaza, Wicker ni nawe washinze Brown Stem Girl, umuryango yavuze ko yatangije ugamije gukangurira abakobwa kwiga siyansi , ikoranabuhanga, ubwubatsi, n’imibare.
Ariko ubutumwa yizera kugeza ku bandi ni “uguhora wiyizera nubwo abandi batakwemera”.
