Umukinnyi w’imyaka 17 ukomoka muri Cameroon, Wilfried Nathan Douala wakiniraga Victoria United y’iwabo yahagaritswe muri ruhago nyuma yo kuvumburwa ko yabeshye imyaka.
Ikinyamakuru Sports Brief kivuga ko Ishyirahamwe ry’umupira w’amaguru muri Cameroon, FECAFOOT ryatangaje ko Doualla ari mu bakinnyi 62 bahagaritswe bacyekwaho kubeshya imyaka.
FECAFOOT ivuga ko abakinnyi 62 barimo Douala ndetse n’abandi baturuka mu mahanga bahagaritswe by’agateganyo mu mikino ya shampiyona kubera kubeshya imyaka no gutunga ibyangombwa 2.
Doualla yari umusimbura wa Cameroon mu gikombe cya Afurika (AFCON) 2023 muri Cote d’Ivoire.
Abakinnyi 62 bahagaritswe bagiye bakurwa mu makipe agiye atandukanye yo muri Cameroon. Amakipe 15 yahagarikiwe abakinnyi ni:
Yong Sport academy
Victoria United
As Fortuna
Ums de Loum
Colombe du Sud:
Gazelle Fa
Dynamo Douala
Union de Douala
Fovu de Baham
Apejes
Pwd Bamenda
Bamboutos Mbouda
Astres Douala
Avion du Nkam
Fauve Azur
