Ikipe y’umupira w’amaguru yo mu Bwongereza, Arsenal yifatanyije n’Abanyarwanda mu kwibuka ku nshuro ya 31 Jenoside yakorewe Abatutsi mu 1994.
Mu butumwa yashyize ku mbuga nkoranyambaga zayo, Arsenal yagize iti: “‘Kwibuka’ bisobanura ‘Kwibuka’. Uyu munsi turibuka Jenoside yakorewe Abatutsi mu 1994.”
Ubutumwa bwa Arsenal bwakiriwe neza n’Abanyarwanda batandukanye, bashimira iyi kipe uburyo ikomeje kwifatanya n’u Rwanda muri ibi bihe byo kwibuka.
Kuri uyu wa Mbere, U Rwanda rwinjiye mu minsi 100 yo kwibuka Jenoside yakorewe Abatutsi yatwaye ubuzima bw’abarenga miliyoni mu gihe cy’iminsi 100 gusa, kuva muri Mata kugeza muri Nyakanga 1994.
Ubutumwa bwa Arsenal buje bukurikira ubufatanye hagati y’iyi kipe n’u Rwanda binyuze muri gahunda ya “Visit Rwanda”, igamije guteza imbere ubukerarugendo bwarwo.
