M23 n’Ingabo za Repubulika Iharanira Demokarasi ya Congo, baramukiye mu yindi mirwano kuri uyu wa Gatandatu tariki ya 25 Ugushyingo 2023.
Imirwano hagati y’impande zombi yaramukiye i Kilorirwe ho muri Teritwari ya Masisi.
Umuvugizi w’Ishami rya Politiki rya M23, Lawrence Kanyuka, yanditse kuri Twitter ye ko Ingabo za Congo zaramutse zirasa amabombe ku birindiro by’uriya mutwe.
Yunzemo ati: “M23 ikomeje kurinda abaturage b’abasivile n’ibyabo.”
M23 na FARDC bubuye imirwano kuva ku itariki ya 1 Ukwakira 2023.
Mu mezi hafi abiri bamaze barwana, FARDC yananiwe kwirukana uyu mutwe mu bice by’intara ya Kivu y’Amajyaruguru ugenzura.
Nko muri Masisi M23 ni yo igenzura Kilorirwe, ndetse n’imijyi ya Kitshanga na Mweso.
