Kuri uyu wa Gatanu, abapolisi ba Maroc bavuze ko bafashe toni 1.37 za cocaine mu murwa mukuru Casablanca nk’uko tubikesha Ibiro Ntaramakuru by’Abongereza.
Igipolisi cya Maroc mu itangazo cyashyize ahagaragara cyavuze ko iki kiyobyabwenge cyari gihishe mu muzigo y’amafi yatumijwe mu mahanga cyafatiwe muri sosiyete iranguza ayo mafi mu mujyi munini wa Maroc.
Igipolisi kandi cyavuze ko ubushakashatsi bwibanze bwerekana ko umuzigo watumijwe mu gihugu cyo muri Amerika y’amajyepfo ukanyura muri Espagne, kivuga ko iperereza rigikomeje.
Ugereranyije iki kiyobyabwenge cyafashwe gihagaze asaga miliyari 80 z’Amanyarwanda ($67 million)
