Umukinnyi wa filime Jonathan Majors, w’imyaka 35 na Meagan Good,w’imyaka 43 barushinze mu muhango w’ibanga wabereye mu rugo rwabo muri Los Angeles nk’uko byatangajwe n’ikinyamakuru Entertainment Tonight ku wa Kabiri, tariki 18 Werurwe 2025.
Amakuru aturuka ku muntu wa hafi n’uyu muryango avuga ko nyina wa Jonathan Majors, usanzwe ari umupasiteri ari we washyingiye aba bombi mu gihe nyina wa Good yari umuhamya.
Uwo muhango ntiwitabiriwe n’abandi bantu benshi kuko wabaye mu buryo bw’ibanga.
Majors na Good batangaje ko biyemeje kubana nk’umugore n’umugabo mu muhango wa EBONY Power 100 Gala wabaye mu Ugushyingo umwaka ushize.
Aba bombi batangiye gukundana muri Gicurasi 2023 nyuma y’uko Meagan Good yari amaze gutandukana n’uwari umugabo we DeVon Franklin barushinze kuva mu 2012 ariko bakaza gutandukana mu 2022.
