Murindwa Prosper yatorewe kuyobora akarere ka Rubavu nyuma y’uko yari asanzwe ari umuyobozi w’agateganyo w’akarere ka Rutsiro, mu gihe Mukase Valentine wari Visi Meya ushinzwe imibereho myiza y’abaturage mu Karere ka Karongi yatorewe kuba umuyobozi wako.
Aka karere ka Karongi kari kamaze iminsi 45 kayobowe by’Agateganyo na Niragire Theophile wari usanzwe ari Visi Meya ushinzwe Iterambere ry’Ubukungu.
Niragire nawe yari yasimbuye Mukarutesi Vestine wayoboraga aka Karere byavuzwe ko atakibasha kuzuza inshingano uko zikwiye bituma bamuhagarika ku buyobozi bw’aka Karera.
Ni mu gihe mu karere ka Rubavu hatowe Mulindwa Prosper nyuma y’uko uwari umuyobozi w’aka Karere Kambogo Ildephonse yegujwe kubera kunanirwa inshingano yari ashinzwe.
Icyo gihe inama yabaye igitaraganya mu ijoro ryo ku wa 05 Gicurasi 2023 yanzuye ko Meya Kambogo yeguzwa kubera kunanirwa kumva inama ndetse no kunanirwa gucyemura ibibazo by’abaturage nk’uko bikwiriye.
Mulindwa yagiye ku mwanya w’umuyobozi wungirije muri Rutsiro mu gihe havugwaga ibibazo muri nyobozi ndetse no muri njyanama.Itangazo ryaturutse mu Biro bya Minisitiri w’Intebe, ryavugaga ko Inama Njyanama y’aka karere yasheshwe nyuma yo kubona ubuyobozi bw’aka karere bwarateshutse ku nshingano.
Mbere yo kujya kuri uwo mwanya yari Umuyobozi Mukuru muri Minisiteri y’Ubutetsi bw’Igihugu.
