Hoteli eshatu ziri mu mujyi wa Musanze zari zarashyizwe mu kato bitewe n’abantu batanu bazigezemo batanduye Covid-19, guhera kuri uyu wa 17 Kamena 2020 zirafunguye.
Aya makuru yemejwe na Visi Meya w’Akarere ka Musanze ushinzwe ubukungu, Andrew Rucyahanampuwe mu kiganiro amaze kugirana na bwiza.com, asobanura ko gufungurwa kw’izi hoteli kwatewe no kuba nta mukozi nlumwe wazo wagaragayeho iki cyorezo.
Tariki ya 14 Kamena 2020 ni bwo izi hoteli: Gorilla Hotel, Home Inn na Touristic Lodge zashtizwe mu kato. Byatewe n’abakiriya batanu bazigezemo hagati ya tariki ya 5 n’iya 6 Kamena, bagaragayeho Covid-19.
Abajijwe niba nta mabwiriza yihariye yo gukumira Covid-19 izi hoteli zaba zarashyiriweho, uyu muyobozi yatangaje ko “bazakomeza gukurikiza amabwiriza asanzwe”.
Abaturage batuye mu Karere ka Musanze barimo abari barakuwe umutima n’ifungwa ry’izi hoteli barasabwa gutuza, bagakomeza gukurikiza amabwiriza yo kwirinda iki cyorezo.
