Amajwi y’agateganyo y’ibyavuye mu matora y’Umukuru w’Igihugu muri Uganda, arerekana ko umukandida Yoweri Kaguta Museveni w’ishyaka NRM, yatangiye kwanikira bagenzi be bari bayahatanyemo.
Ku wa Kane tariki ya 15 Ukuboza ni bwo abanya-Uganda baramukiye mu matora y’Umukuru w’Igihugu n’ay’abadepite. Ni amatora yitabiriwe n’ababarirwa muri miliyoni 21.
Museveni umaze imyaka 40 ayobora Uganda, muri ariya matora yari ahatanye n’abakandida barindwi barangajwe imbere n’umuhanzi wahindutse umunyapolitiki, Robert Kyagulanyi Ssentamu uzwi nka Bobi Wine.
Amajwi y’agateganyo amaze kubarurwa arerekana ko Museveni yamaze kwanikira bagenzi be n’amajwi 76.25%, n’abamutoye babarirwa muri 3,900,000.
Bobi Wine ni we umugwa mu ntege n’amajwi 19.85% n’abamutoye 1,300,000.
Kugeza ubu amajwi yo kuri sitasiyo z’itora 45 ni yo amaze kubarurwa, andi majwi akaba ari butangazwe saa munani z’igicamunsi cyo kuri uyu wa Gatanu (Saa Saba z’i Kigali).
