Mu buzima bw’urukundo bwa buri munsi, hari abakobwa bamwe batagendera ku rukundo rw’ukuri, ahubwo bagacudika n’abagabo cyangwa abasore bashaka kubakuraho amafaranga cyangwa ibindi byangombwa. Ibi babigeraho bifashishije amayeri n’ibinyoma bitandukanye.
Dore amwe mu mayeri akunze gukoreshwa:
1. Kubeshya ko batwite: Bamwe babwira abasore ko batwite kugira ngo babasabe amafaranga yo kwa muganga cyangwa yo gukuramo inda, kandi badatwite.
2. Kubwira umusore ko urukundo rugiye kurangira: Babikora ngo babone uko basaba amafaranga, bahamagarira umukunzi ko niba aratanze amafaranga, urukundo rushobora kurangira.
3. Guhimba amasabukuru: Babwira abakunzi babo ko bafite ibirori cyangwa isabukuru kugira ngo babasabe amafaranga yo kuyitegura, kandi byose ari ibinyoma.
4. Kubeshya ko barwaye: Babwira abasore ko bafite ikibazo cy’ubuzima bashaka amafaranga yo kwivuza, kandi bameze neza.
5. Guhimba ko bataye telefone: Basaba amafaranga yo kugura indi telefone, nyamara iyo bahoranye ntacyo yabaye.
6. Amafaranga y’ubukode bw’inzu: Basaba amafaranga yo kwishyura inzu n’ubwo igihe cyo kuyishyura kitaragera cyangwa se iyo nzu itabaho.
7. Kuvuga ko bafite umushinga: Babwira abasore ko bafite umushinga bashaka gutangiza, bagasaba inkunga, ariko uwo mushinga ntuba uhari.
8. Kubura amafaranga yo guhamagara: Bafata umukunzi nk’ububiko bw’amafaranga yo kugura ama-units, ariko bakayakoresha no guhamagara abandi.
Aya ni amwe mu mayeri yerekana uko urukundo rushobora gukoreshwa nk’uburyo bwo gushaka indonke. Ni ingenzi ko abakundana bubaka umubano ushingiye ku kuri, icyizere no kubahana.
