Ishyaka CNL ritavuga rumwe na Leta mu Burundi rivuga ko uwari arihagarariye muri Komini Mutimbuzi mu Ntara ya Bujumbura yishwe. Itangazo rya CNL, BBC yabonye rivuga ko Ngomirakiza Elie yatawe muri yombi kuwa 9 Nyakanga ajyanwa ahantu hatazwi. CNL ivuga ko nta rwego bireba itagezeho ariko bikaba ntacyo byatanze. Kuri ubu nta kanunu barabona, ingingo ibasunikira kuvuga ko Ngomirakiza yishwe. Inzego za Leta mu Burundi ntacyo ziratangaza kuri iki kibazo. Uvugira CNL, Térence Manirambona, avuga ko bababajwe n’uko nta kiravugwa na Leta kuri iyi ngingo. CNL mu minsi ishize, yatangiye kuvuga ko bamwe mu barwanashyaka bayo bakomeje kwigirizwaho nkana n’ubutegetsi bwa Gitega.
Ngomirakiza Elie wa CNL yishwe
Sangiza iyi nkuru
Soma Izindi Nkuru
