Mu gihe gusomana byagiye bifatwa nk’ikimenyetso cy’urukundo, ubushakashatsi buheruka bugaragaza ko hari indwara nyinshi zishobora kwandurira muri iki gikorwa, ndetse zimwe muri zo zishobora gushyira ubuzima mu kaga.
Indwara zishobora kwandurira mu gusomana:
Kwangirika kw’amenyo:
Iyo umubyeyi asomye umwana ku munwa ashobora kumwanduza udukoko two mu kanwa two mu macandwe y’abantu bakuru, tukangiza amenyo y’umwana.
Meningococcal:
Ni indwara ikomeye ifata imiyoboro ihuza ubwonko n’umutwe w’umugongo (spinal cord), ikaba ishobora kwandurira mu gusomana cyane cyane kwifata ururimi (deep kiss).
Hepatite B:
Iyo abantu basomanye bafite ibikomere mu kanwa, amatembabuzi n’amaraso bishobora guhura bikanduza iyi ndwara yibasira umwijima.
Imitezi yo mu kanwa:
Nubwo izwi mu myanya ndangagitsina, imitezi ishobora no gufata mu kanwa igihe habayeho gusomana n’uyirwaye.
Indwara z’ubuhumekero nka Coronavirus:
Amatembabuzi yoherezwa mu mwuka n’uwanduye ashobora kwanduza uwo basomanye, cyane cyane igihe barwaye ibicurane cyangwa Covid-19.
Inama:
Gusomana ni igikorwa gikunzwe, ariko ni ingenzi kugitekerezaho ku buryo bw’ubuzima. Ni byiza ko buri wese amenya ibyago bishobora guterwa nacyo, akihitiramo neza mu kwirinda indwara zandurira mu kanwa.
