Perezida wa Nigeria, Bola Tinubu, yakoze impinduka zikomeye mu ngabo z’igihugu, no mu nzego z’umutekano yirukana umuyobozi wa polisi mu gihe kitarenze ukwezi atangiye imirimo ye .
Tinubu warahiriye imirimo ye kuwa 29 Gicurasi 2023, yashyizeho abayobozi bashya b’ingabo, ingabo, mu ngabo zirwanira ku butaka, mu mazi ndetse n’ingabo zirwanira mu kirere bihita bitangira kubahirizwa, nk’uko umunyamabanga wa guverinoma yabitangaje kuri uyu wa Mbere ushize.
Willie Bassey, umuvugizi w’umunyamabanga wa guverinoma ya Nigeria, yasubiwemo n’ibitangazamakuru byo mu gihugu yemeza ko “ikiruhuko cy’izabukuru cy’abayobozi bakuru bose ba n’umugenzuzi mukuru wa polisi, abajyanama, umugenzuzi mukuru wa gasutamo muri serivisi ndetse n’ababasimbuye bihita byubahirizwa ”.
Bassey mu itangazo ryatambutse mu kinyamakuru The Guardian cyo muri Nigeria kuri uyu wa Mbere yagize ati: “Ni ngombwa kuvuga ko abayobozi bashinzwe serivisi, umugenzuzi mukuru wa polisi ndetse n’umugenzuzi mukuru wa za gasutamo bagomba gukora mu myanya yabo, mu gihe hagitegerejwe ko byemezwa hakurikijwe Itegeko Nshinga rya Repubulika ya Nigeriya”.
Perezida wa Nigeria yashyize umutekano mu byo azashyira imbere kandi anizeza ko hazabaho ivugurura muri uru rwego, harimo no kwinjiza abasirikare n’abapolisi benshi ari nako yizeza kuzabahemba neza no kubaha ibyo bakeneye.
Ku munsi we wa mbere ku butegetsi, Tinubu yagize ati: “Tuzarushaho gushora imari mu bashinzwe umutekano, kandi bivuze ko atari ukongera umubare gusa. Tuzatanga, amahugurwa meza, ibikoresho, duhembe, n’imbaraga z’umuriro. ”
Ntibisanzwe ko perezida mushya wa Nigeria yohereza abayobozi b’inzego z’umutekano n’ubwirinzi mu kiruhuko cy’izabukuru imburagihe, nk’uko Tinubu yabigenje ku wa Mbere.
