Umunyezamu w’Ikipe y’Igihugu ‘Amavubi’, Ntwali Fiacre, yaraye afashije TS Galaxy asanzwe akinira kugera muri ¼ cy’irangiza cy’irushanwa rya Carling Knockout Cup nyuma yo gusezerera ikigugu Mamelodi Sundowns.
Ntwali na bagenzi be bari bakiriye Masandawana yari yabasuye kuri Mbombela Stadium, mu mukino wa â…› cy’irangiza.
Ni umukino babanje kuyobora nyuma yo gutsinda Mamelodi Sundowns yari yakinishije abakinnyi biganjemo abo mu kipe yayo ibitego 2-0 biciye kuri Sphiwe Mahlangu na Mlungisi Mbunjana.
Mamelodi Sundowns yaje kwishyura ibi bitego biciye kuri Marcelo Allende ndetse n’umunya-Uruguay Gaston Srino, biba ngombwa ko hiyambazwa za Penaliti.
TS Galaxy yageze muri ¼ cy’irangiza nyuma yo gutsinda uriya mukino kuri Penaliti 5-4.
Umunyezamu Ntwali Fiacre yayifashije cyane muri za Penaliti, kuko yakuyemo ebyiri zirimo iya mbere yatewe na Brian Onyango cyo kimwe n’iya gatandatu ya Lesiba Nku ari na yo yatumye TS Galaxy itsinda umukino.
