Minisiteri y’Ubuzima mu Rwanda, Minisante, yatangaje ko kuri uyu wa gatatu mu Rwanda habonetse abarwayi 19 bashya banduye Covid-19, biganjemo ababonetse mu tugari two mu karere ka Nyamasheke twashyizwe muri gahunda ya Guma mu rugo.
Muri utwo tugari habonetse abarwayi bashya ba Covid-19 12, i Kigali haboneka batatu, mu gihe i Rusizi na Nyamagabe buri hamwe habonetse babiri.
Magingo mu gihugu harabarurwa abantu 1,435 banduye Covid-19, muri bo 752 (barimo 15 bashya) batayikoze, mu gihe bane ari bo yishe. Abakirwaye icyo cyorezo ni 679, na ho ibipimo bimaze gufatwa ni 194,802.
