Kuri uyu wa Gatatu guverinoma ya Ethiopia yafashe icyemezo cyokongera gufungura imiyoboro ya Interineti yari yarafunzwe mu mpera z’ukwezi gushize.
Tariki 29, Kamena nibwo Guverinoma ya Ethiopia yahagaritse imiyoboro ya Interineti yose ikoreshwa mu gihugu.
Ni nyuma y’imyigaragambyo yakurikiye urupfu rw’umuririmbyi w’icyamamare Hachalu Hundessa wishwe arashwe kuri uwo musi.Urupfu rwe rwateye akavuyo mu misi yakuriyeho mu murwa mukurua Addis Ababa.
Iyi myigaragambyo yateje akavuyo gakomeye mu migi itandukanye yo muri Ethiopia, aho abigaragambya bagendaga bangiza ibikorwaremezo abandi basahura amaduka y’abaturage.
Avuga ku ifungwa rya Inrerineti Minisitiri w’intebe w’iki gihugu Abey Ahmed , yavuze ko impamvu bafunze interineti bwari uburyo bwo kugabanya itumanaho hagati y’abigaragambya. Yongeyeho ko icyatumye ibi bikorwa byongera gufungurwa , ari uko guverinoma imaze guhosha imyigaragambyo mu gihugu hose.
Kugeza ubu iyi myigaragambyo yakurikiye urupfu rw’iki cyamamare, habarurwa abagera kuri 239 bayiguyemo.
Uretse mu nzu zikomeye za Guverinoma , Ambasade z’ibihugu n’inyubako z’imiryango mpuzamahanga, ahandi hose mu gihugu nta Interineti yari ihari.
Raporo ya Polisi ya Ethiopia ivuga ko mu murwa mukuru Addis Ababa honyine abantu 156 aribo baguye muri iyi myigaragambyo. Muri aba 11 muri bo ni abakoreraga inzego z’umutekano za Ethiopia.
Polisi kandi ikomeza ivuga ko abantu 3,500 aribo batawe muri yombi kuri ubu bakaba barimo gukorerwa amadosiye abashyikiriza ubutabera.
