Ku munsi mpuzamahanga wahariwe Ubwisanzure bw’Itangazamakuru wabaye kuri uyu wa 3 Mata 2020, Perezida Andry Rajoelina wa Madagascar yafunguye abanyamakuru barimo abari bafungiwe ibyaha bitandukanye muri iki gihugu.
Ni mu gihe mu bihugu byinshi hari abanyamakuru bafungiwe amakosa arimo ajyanye n’umwuga, abazize ubusa, abandi bazira ayo mu buzima busanzwe, akenshi bigasanishwa no kutubahirizwa kw’ihame ry’ubu bwisanzure.
Perezida Rajoelina ati: “Kuri uyu munsi w’Ubwisanzure bw’itangazamakuru, ntangaje ko mfunguye abanyamakuru bose bafungiwe muri Madagascar.” Yongeyeho kugera ku makuru y’ukuri kandi ku gihe ari uburenganzira bw’abanyamakuru bakora kinyamwuga.
Urutonde ngarukamwaka rw’umuryango w’Abanyamakuru Batagira Umupaka (Reporters Without Borders) rushingiye ku bushakashatsi bwakozwe mu 2019, Madagascar iri ku mwanya wa 54 mu kubahiriza ubwisanzure bw’itangazamakuru.
