Ubuhanzi n’umuco byongeye gutekerezwaho nka politiki yo guteza imbere imibereho y’abahanzi no kuzamura ireme ryabo.
Ibi byagaragajwe mu itangazo ryaturutse mu Biro bya Minisitiri w’Intebe tariki 14 Ukuboza 2023, riravuga ko hakozwe impinduka zigamije guteza imbere no gushyigikira politiki y’ubuhanzi n’umuco.
Ni inshingano zongerewe kuri Minisiteri y’Urubyiruko (MINIYOUTH zari zisanzwe muri Minisiteri y’Ubumwe bw’Abanyarwanda MINUBUMWE n’Inshingano Mboneragihugu.Ibi bikaba byatumye iyi ihindura izina ikitwa Minisiteri y’Urubyiruko n’Iterambere ry’Ubuhanzi.Bisobanuye ko yamaze kujya mu nshingano za Minisitiri Utumatwishima Abdallah uyoboye iyi Minisiteri.
Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) izagumana umurage ndangamuco mu shingano zayo.
Minisiteri zombi zizakomeza gufatanya mu kubungabunga no guteza imbere Umuco, Ubuhanzi n’Ubugeni.
