Ikipe ya Rutsiro yahagamye Rayon Sports banganya igitego 1-1, mu mukino wa kane wo mu tsinda rya kabiri (B).
Rayon Sports yari yakiriye Rutsiro mu mukino wo kwishyura wabereye kuri Stade Amahoro, nyuma y’ubanza yari yayitsinzemo ibitego 2-0 kuri Stade Umuganda.
Umukongomani Hértier Luvumbu ni we wafunguriye Rayon Sports amazamu ku munota wa 25 w’umukino, gusa Rutsiro yishyura iki gitego kuri penaliti yo ku munota wa 84 ibifashijwemo na Ndarusanze Jean Claude bita Lamba Lamba.
Kunganya uyu mukino byafashije Rayon Sports kugumana umwanya wa kabiri muri iri tsinda n’amanota 7, irusha Kiyovu Sports ya kabiri inota rimwe.
Kiyovu Sports yatozwaga umukino wa mbere n’umutoza Etienne Ndayiragije, yafashe umwanya wa kabiri muri iri tsinda nyuma yo kunyagira Gasogi United ibitego 4-1.
Ikipe ya Gasogi United ni yo yabanje gufungura amazamu ku gitego cya Kikoyo Hassan cyo ku munota wa 20 w’umukino, Robert Saba yishyurira Kiyovu Sports amazamu ku munota wa 26 w’umukino, mbere y’uko Ishimwe Saleh atsinda igitego cya kabiri ku munota wa 45 w’umukino.
Rutahizamu Samson Babuwa wari wagarutse mu kipe ni we watsindiye Kiyovu igitego cya gatatu.
Gutsindwa na Kiyovu byatumye Gasogi United ifata umwanya wa nyuma mu tsinda n’amanota ane, ikaba irushwa inota rimwe na Rutsiro ya gatatu.
Kurikira ibiganiro n’amavidewo binyura kuri Bwiza TV
