Umukino w’umunsi wa gatanu wa shampiyona wo mu tsinda B wahuzaga Rayon Sports na Kiyovu Sports, urangiye amakipe yombi aguye miswi igitego 1-1.
Ni umukino Rayon Sports yari yarahiriyemo kwihorera kuri Kiyovu, bijyanye n’uko yari yarayitsinze ibitego 3-2 mu mukino wabahuje mu minsi ishize.
Myugariro Mbogo Ally ni we wafunguriye Kiyovu Sports amazamu ku munota wa 29 w’umukino, mbere y’uko Sugira Ernest yishyurira Rayon Sports kuri penaliti yo mu gice cya kabiri cy’umukino.
Igice cya kabiri cy’uyu mukino wabereye i Nyamata mu Bugesera cyaranzwe no gusatira cyane ku ruhande rwa Rayon Sports, gusa ntiyabyaza umusaruro uburyo butandukanye yagiye ibona.
Nko ku munota wa 73 w’umukino rutahizamu Hértier Luvumbu yashoboraga gutsindira Rayon Sports igitego cya kabiri, gusa birangira umupira ugaruwe n’igiti cy’izamu.
Rayon Sports yakomeje kuyobora iri tsinda n’amanota umunani, mu gihe Kiyovu Sports iyigwa mu ntege n’amanota arindwi.
Ikipe ya gatatu muri iri tsinda ni Rutsiro FC ifite amanota atanu, ikarusha inota rimwe Gasogi United zifitanye umukino.
