Ikipe ya Rayon Sports yamaze gusinyisha rutahizamu ukomoka muri Repubulika Iharanira Demokarasi ya Congo, Bingi Belo Chadrack.
Kuri uyu wa Gatatu nibwo byamenyekanye ko uyu rutahizamu yamaze gusanya amasezerano y’imyaka ibiri.
Uyu mukinnyi w’imyaka 20 yageze i Kigali mu ntangiriro z’iki cyumweru avuye muri DC Motema Pembe, aho yigaragaje cyane mu myaka ibiri ishize atsindira iyi kipe ibitego 20 mu mikino 45.
Rayon Sports iteganya kumwerekana ku mugaragaro vuba. Ni umwe mu bakinnyi iyi kipe izifashisha mu kongera imbaraga mu busatirizi bwayo.
Bingi Belo azaba ari umwe mu nkingi za mwamba zitezweho byinshi muri shampiyona y’umwaka utaha.
