Ambasade z’Ibihugu 6 bikomeye ku mugabane w’i Burayi byahagurukiye dosiye y’umunyamakuru Stanislas Bujakera umaze amezi hafi ane afunzwe.
Ambasade zirimo iya Canada, Ububiligi, Ubufaransa , Ubudage,Norvege n’Ubuhorandi zikorera muri Repubulika Iharanira Demokarasi ya Congo, zihurije kuri Dosiye ya Bujakera mu cyiswe Media Freedom zisaba Leta y’ikinshasa ko ubutabera bwakwihutisha urubanza rwe.
Bavuga ko urubanza rwe rwaburanishwa ku rwego mpuzamahanga, aho kuba urw’imbere mu gihugu.Ni nyuma y’uko ku wa Gatanu w’Icyumweru gishize,ubushinjacyaha bwamusabiye gufungwa imyaka 20, no kuriha ihazabu ya miliyoni imwe y’amafaranga ya Congo (angana na 463,000Frw).
Byari byitezwe ko mu minsi y’akazi muri iki cyumweru ariko siko byagenze.
Ntabwo ibi byavuzweho rumwe kuko yari amaze amezi 3 ataragezwa mu butabera ibintu byafashwe nko kumwima ubutabera, ari nabyo byahagurukije ibi bihugu bikomeye ku mugabane w’i Burayi kugirango arenganurwe.Mu kiganiro n’Itangazamakuru mu kwezi gushize, Perezida Tshisekedi yavuze ko uyu munyamakuru yazize ubutabera burwaye.
Stanis Bujakera yatawe muri yombi muri Nzeri (9) mu 2023, nyuma yo kwandika inkuru mu kinyamakuru Jeune Afrique cyo mu Bufaransa, avuga ko umunyapolitiki utavuga rumwe n’ubutegetsi Chérubin Okende yishwe na ba maneko ba Congo.
