Kuri uyu wa Gatatu, itariki ya 17 Ukuboza 2025, Me Paul Ramazani, umuhungu w’umunyapolitiki Emmanuel Shadary, na we yafatiwe i Kinshasa mu buryo busa nko gushimuta.
Amakuru agera kuri ACTUALITE.CD avuga ko yatawe muri yombi ahagana mu ma saa yine z’ijoro akuwe muri resitora ya Le Palais, iherereye mu gace ka GB muri Komini ya Kitambo.
Imyirondo ndetse n’inzego zamufashe, n’aho aherereye kugeza ubu ntibiramenyekana.
Iri fatwa rije nyuma y’iminsi itarenze ibiri hafashwe umubyeyi we, Emmanuelle Ramazani Shadary, umuntu utavuga rumwe n’ubutegetsi akaba n’Umunyamabanga Mukuru wa PPRD, ishyaka ry’uwahoze ari umukuru w’igihugu uri mu buhungiro, Joseph Kabila.
Mbere yaho kuwa Gatatu, umugore wa Shadary yari yigaragambije imbere ya Ambasade ya Amerika i Kinshasa yamagana “itabwa muri yombi ritemewe n’amategeko ry’umugabo we”, avuga ko asanganwe ibibazo by’ubuzima.
