Ikigega mpuzamahanga cy’imari (IMF) cyashyize Repubulika ya demukarasi ya Congo mu bihugu 10 bikize ku mugabane wa Afurika.
IMF, muri raporo nshya yasohotse muri uyu mwaka, yagaragaje ko umusaruro mbumbe wa RDC wageze kuri miliyari 69 z’amadolari ya Amerika, hakaba harabayeho ubwiyongere bwa miliyari 6 ugereranyije n’umwaka wabanje.
Ubwiyongere bw’umusaruro mbumbe burashingira bwatewe n’umusaruro uva mu bucukuzi bw’amabuye y’agaciro ndetse n’amavugurura ubuyobozi bw’iki gihugu bwashyizeho mu rwego rw’ubukungu, nk’uko bisesengurwa n’ikigo Bretton Woods.
IMF igaragaza kandi ko nta gihindutse, umusaruro mbumbe wa RDC uzakomeza kwiyongera, mu mwaka w’2024 ugere kuri miliyari 77 z’amadolari, miliyari 86 mu 2025, miliyari 95 mu 2026, miliyari 106 mu 2027 na miliyari 117 mu 2028.
Muri rusange, uru rutonde ruyobowe na Nigeria ifite umusaruro mbumbe wa miliyari 507 z’amadolari, hagakurikiraho Misiri ifite miliyari 399, Afurika y’Epfo ifite miliyari 387, Algeria, Maroc, Kenya, Ethiopia, Angola na Tanzania ku mwanya wa cyenda.
