Ingabo z’u Rwanda zoherejwe mu butumwa bwo kugarura amahoro i Cabo Delgado, zatsinzwe na bagenzi babo ba Mozambique ibitego 3-1 mu mukino wa gicuti wahuje impande zombi ku wa Gatandatu.
Ni umukino wabereye ku kibuga cya BG-3 i Mocimboa da Praia, ukaba wari mu rwego rwo gukomeza kwishimira isabukuru y’imyaka 59 Igisirikare cya Mozambique (FADM) kimaze gishinzwe.
Abasirikare bakuru batandukanye haba ku ruhande rw’u Rwanda ndetse na Mozambique bari mu barebye uriya mukino.
U Rwanda rwohereje ingabo zarwo muri Mozambique mu myaka ibiri ishize, mu rwego rwo gufasha iki gihugu kwirukana ibyihebe byari byarigaruriye intara ya Cabo Delgado.
