Minisiteri y’Ubuzima mu Rwanda kuri uyu wa 29 Nyakanga 2020 yatangaje ko habonetse abantu 37 banduye Covid-19 mu bipimo 4144 byafashwe.
Mu Karere ka Rusizi habonetse 15 bapimwe mu duce twibasiwe kurusha ahandi, mu Mujyi wa Kigali habonetse 13 bahuye n’abanduye ndetse n’Abaturarwanda batashye bahita bashyirwa mu kato. Nyamasheke yabonetsemo 6 na Rulindo ibonekamo 3.
Abamaze gukira ni 1036 harimo 31 b’uyu munsi.
Muri rusange abamaze kugaragaraho iki cyorezo mu Rwanda ni 1963, abakirwaye bageze kuri 922. Ibipimo byose byafashwe ni 255,959.
Batanu ni bo kimaze kwicira mu Rwanda barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko, umusaza w’imyaka 78 y’amavuko n’umukecuru w’imyaka 88 y’amavuko.
